RTV AHIRETI
Lajme

BE-ja thotë se Kosova ende nuk ka dorëzuar një raport për sulmin terrorist në Banjskë

be-ja-thote-se-kosova-ende-nuk-ka-dorezuar-nje-raport-per-sulmin-terrorist-ne-banjske

Kosova ende nuk e ka dorëzuar një raport të plotë hetimi në lidhje me sulmin në Banjskë të Zveçanit. Kështu ka deklaruar thënë zëdhënësi i Bashkimit Evropian, Peter Stano.

Teksa u pyet nga gazetarët në lidhje me ndëshkimin e Serbisë në lidhje me këtë sulm, ai ka thënë se kjo nuk mund të bëhet pa pasur rezultatet e plota të hetimit.

“Në lidhje me hetimin (për Banjskën). Fillimisht, hetimi duhet të bëhet nga autoritetet kosovare. Nëse po i referoheni incidentit në Banjskë, të 24 shtatorit, kjo është diçka që ka ndodhur në territorin e Kosovës dhe autoritetet kosovare janë përgjegjëse për hetimin dhe ofrimin e një raporti të plotë hetimi. Kjo nuk ka ndodhur ende, kështu që nuk mund të vazhdojmë pa pasur rezultatet e hetimit”, ka thënë Stano.

Ai ka thënë se ky raport edhe nëse është përfunduar apo jo, ende nuk u është dorëzuar atyre.

“Menjëherë pas sulmit dhe ditë, javë e muaj më vonë, kemi bërë të qartë pozitën tonë se çka presim nga dy palët, si Kosova ashtu edhe Serbia kur bëhet fjalë për pjesëmarrjen e mundshme ose mbështetjen e këtij sulmi të tmerrshëm nga ana serbe. Përsëri e gjithë kjo duhet të jetë objekt hetimi, dhe gjetjet do të përfshihen në raportin final, i cili me gjasë nuk është përfunduar ende ose të paktën, nuk na është vënë në dispozicion deri në këtë fazë”.

The post BE-ja thotë se Kosova ende nuk ka dorëzuar një raport për sulmin terrorist në Banjskë first appeared on Radio Televizioni Iliria.

Related posts

Kurti në Bratisllavë flet për tensionet në veri, tregon qëndrimin e Kosovës

admin

Kurti deklarohet për takimin e radhës me Vuçiq: Shumë optimist se marrëveshja mund të ndodhë këtë vit

admin

Vërshimet në Serbi, dy persona raportohen të zhdukur, gjendje e jashtëzakonshme në Novi Pazar

admin