Një gjykatë të martën urdhëroi një dioqezë gjermane të paguajë 300,000 euro si kompensim për një ish-djalosh altari, i cili ishte abuzuar vazhdimisht nga një prift katolik në vitet 1970, një vendim që një shoqatë e viktimave tha se ishte i pari i këtij lloji në Gjermani.
Gjykata shtetërore në Këln vendosi në një çështje në të cilën paditësi, një burrë tani 62 vjeç, i cili u përdhunua dhe u keqtrajtua më shumë se 300 herë nga një prift tashmë i vdekur, kishte kërkuar 750,000 euro nga kryepeshkopata e Këlnit, raportoi agjencia gjermane e lajmeve dpa.
Kryepeshkopata vendosi të mos thirret në parashkrimin e çështjes.
Gjykatësi kryesues Stephan Singbartl tha se gjykata nuk kishte urdhëruar kompensim më të lartë sepse viktima fatmirësisht nuk ishte shkatërruar, duke vënë në dukje se ai ishte martuar, kishte fëmijë dhe ishte në gjendje të punonte.
Kisha gjermane ka bërë pagesa vullnetare për të mbijetuarit e abuzimeve. Grupet e viktimave i kritikuan shumat si shumë të vogla. Një sistem që hyri në fuqi në fillim të vitit 2021 parashikonte pagesa prej rreth 50,000 euro për viktimë – duke zëvendësuar një program të mëparshëm sipas të cilit pagesat ishin mesatarisht rreth 5,000 euro. /syri
