RTV AHIRETI
LajmeRajon dhe Botë

Iz’raeli pretendon se në Ga’za janë vr’arë ose pla’gosur 60 për qind e anëtarëve të Brigadave Kas’sam

iz’raeli-pretendon-se-ne-ga’za-jane-vr’are-ose-pla’gosur-60-per-qind-e-anetareve-te-brigadave-kas’sam

Ministri izraelit i Mbrojtjes, Yoav Gallant pretendon se 60 për qind e anëtarëve të Brigadave Izzeddin Kassam, krahut ushtarak të Hamasit janë vrarë ose plagosur që nga 7 tetori 2023, kur Izraeli nisi sulmet e tij në Gaza, transmeton Anadolu.

Sipas lajmit të gazetës “Jerusalem Post”, Gallant foli në Parlamentin izraelit (Knesset) në lidhje me humbjet e Hamasit që nga dita kur Izraeli filloi sulmet e tij në Gaza.

Duke pretenduar se rreth 60 për qind e anëtarëve të Brigadave Kassam janë neutralizuar duke u vrarë ose plagosur, Gallant pretendoi se shumica e 24 batalioneve të ushtrisë që përbëjnë krahun ushtarak të lëvizjes, janë shpërbërë.

“Veprimet e ushtrisë izraelite që kanë shkaktuar eliminimin e më shumë se 14 mijë terroristëve deri më tani dhe shembjen e strukturës ushtarake të Hamasit, janë në fakt prova e asaj që thashë”, deklaroi Gallant.

Gallant ka theksuar se “legjitimiteti ndërkombëtar” është kusht i rëndësishëm për vazhdimin e sulmeve në Gaza. Që nga 7 tetori e deri më tani, ushtria izraelite në Gaza ka vrarë pa dallim objektivi 38.243 palestinezë, kryesisht gra dhe fëmijë si dhe ka plagosur 88.033 persona të tjerë.

Ushtria izraelite, e cila e ka kthyer Gazën në gërmadhë, në sulmet e saj që kanë zgjatur më shumë se 9 muaj ka goditur shpesh herë spitalet, shkollat ​​dhe kampet ku janë strehuar njerëzit e zhvendosur.

Pas këtyre sulmeve që shënjestrojnë civilët, ushtria izraelite pas çdo masakre fshihet pas pretendimit të saj se “Ne shënjestruam anëtarët e Hamasit, anëtarët e Hamasit e përdorin këtë vend si një qendër”.

Related posts

Polonia dhe Gjermania dërgojnë tanke në Ukrainë

admin

Një grua ka rënë nga Ura e Fshajt në Gjakovë

admin

Stoltenberg: Do të bëjmë atë që është e nevojshme për të mbajtur një mjedis të sigurt në Kosovë

admin6