Ministri i Jashtëm britanik, David Cameron, thotë se e ka dënuar sulmin e Iranit ndaj Izraelit gjatë një telefonate me homologun e tij iranian Hossein Amir-Abdollahian.
Presidenti i Këshillit Evropian Charles Michel thotë se Grupi i Shtatë (G7) “njëzëri dënoi” sulmin me dron dhe raketë të Iranit dhe “të gjitha palët duhet të ushtrojnë përmbajtje”.
Hezbollah përgëzon udhëheqjen e Iranit për sulmin e tij ndaj Izraelit, duke e quajtur atë një “vendim të mençur për t’iu përgjigjur me vendosmëri agresionit sionist kundër konsullatës iraniane në Damask”.
Forcat izraelite kanë qëlluar dhe plagosur një të ri në qytetin Hableh, në jug të qytetit Qalqilya, në Bregun Perëndimor të pushtuar, sipas burimeve lokale të cituara nga agjencia e lajmeve Wafa.
Pamjet, të verifikuara nga Al Jazeera, janë shfaqur duke treguar kolonët që i vënë zjarrin një makine në pronësi të palestinezëve pranë Ramallah në Bregun Perëndimor të pushtuar, ndërsa ushtarët izraelitë vëzhgojnë dhe nuk arrijnë të ndërhyjnë.
Në Gaza, forcat izraelite hapen zjarr ndaj palestinezëve të zhvendosur që përpiqeshin të ktheheshin nga qendra e Rripit në veri përgjatë një rruge bregdetare.
Të paktën 33,729 palestinezë janë vrarë dhe 76,371 janë plagosur në sulmet izraelite në Gaza që nga 7 tetori. Numri i të vdekurve në Izrael nga sulmet e Hamasit të 7 tetorit është 1,139, me dhjetëra njerëz ende të mbajtur rob.
