Edhe pse nuk është vërtetuar ende se si funksionon akupresura, ka disa prova që sugjerojnë se kur kryhet siç duhet, mund të ndihmojë në lehtësimin e dhimbjes dhe tensionit rreth trupit. Aktivizimi i pikave të presionit të veshit mund të ndihmojë në lehtësimin e simptomave të zhurmave në vesh, dhimbjet e kokës, dhimbjet e veshit dhe më shumë.
Akupresura është një lloj mjekësie alternative ose plotësuese. Ajo ka luajtur një rol jetik në mjekësinë tradicionale kineze për mijëra vjet.
Teknika kryesore e terapive të akupresurës përfshin presionin me gishta në pika të caktuara të trupit. Presioni i aplikuar i dërgon një sinjal trupit që të fillojë të shërohet vetë.
Shumë besojnë se, nëse aplikohet rregullisht dhe në zonat e duhura, akupresura mund të ndihmojë në trajtimin e simptomave që lidhen me veshët, por jo vetëm.
Më poshtë janë pikat e akupresurës që mund të ndihmojnë një person të gjejë lehtësim për problemet e lidhura me veshët dhe kokën.
Maja e veshit
Maja e veshit është një pikë presioni që përdoret për të trajtuar një sërë simptomash. Është në qendrën e sipërme të veshit, i quajtur edhe kulmi.
Sipas një studimi, aplikimi i presionit në pika të ndryshme të presionit të veshit, të cilat janë mbi dhe rreth veshit, mund të ketë rezultate specifike terapeutike.
Shumë besojnë se stimulimi i pikës së presionit të majës së veshit mund të luajë një rol në zbutjen e migrenës dhe të ndihmojë me dhimbjet e veshit dhe dhimbjet e kokës nga tensioni.
Kurora e kokës
Pika e akupresurës e vendosur në kurorën e kokës, në përputhje me majat e veshëve, njihet gjithashtu si një teknikë efektive për dhimbjet e kokës dhe të veshit, sidomos në persona që vuajnë nga zhurmat në vesh.
Hapësira midis gishtit tregues dhe gishtit të madh
Kjo zonë është një pikë akupresure e vendosur në lëkurë midis gishtit tregues dhe gishtit të madh. Kjo pikë presioni mund të ndihmojë në zbutjen e dhimbjes në pjesë të ndryshme të trupit.
Fërkoni tëmthat e kokës
Ushtrimi i presionit në tëmthat e kokës është gjithashtu një praktikë mund të ndihmojë në zbutjen e dhimbjeve të veshit dhe kokës.
Fërkoni për disa minuta qendrën e ballit
Në qendër të ballit, pak mbi urën e hundës dhe midis syve, është një pikë e njohur si syri i tretë. Aktivizimi i kësaj pike presioni mund të ndihmojë në zbutjen e dhimbjes në kokë, sy dhe veshë.
Fërkoni fundin e veshit
Pika e presionit e vendosur pak prapa llapës së veshit, (aty ku zakonisht bëhet shpimi i veshëve) mund të ndihmojë me reduktimin e zhurmave në vesh, dhimbjet e veshit dhe dhimbjet e kokës./ Medicial News Today
