Thirrja e ushtrisë izraelite për evakuimin e palestinezëve në veri të Gazës nuk mund të pranohet në asnjë menyrë, tha Ministria e Jashtme turke.
“Çdo evakuim i detyruar i civilëve është një shkelje e qartë e ligjit ndërkombëtar”, tha ministria në një deklaratë.
Turqia i kërkoi Izraelit të tërheqë menjëherë vendimin dhe t’i japë fund veprimeve të tij brutale kundër popullsisë civile në Gaza.
“Është Gaza ajo që është e shtypur, jo Izraeli”, tha më herët presidenti turk Recep Tayyip Erdogan.
Ai paralajmëroi se ndëshkimi kolektiv i palestinezëve do të çojë “në më shumë lot” në rajon. /atsh
