Shtatë palestinezë u vranë në sulmet e ushtrisë izraelite në qytetet Khan Younis dhe Rafah në jug të Rripit të Gazës, transmeton Anadolu.
Sipas informacionit të marrë nga dëshmitarët okularë, avionët izraelitë bombarduan zonën ku palestinezët u mblodhën në rajonin Mesrou Amer, në lindje të qytetit Rafahut. Katër persona humbën jetën në sulme.
Ushtria izraelite qëlloi gjithashtu palestinezët që ndihmuan në transportimin e të vrarëve dhe të plagosurve në sulm në spital. Tre palestinezë humbën jetën në këtë sulm pranë spitalit “Europe-Gaza” në qytetin Khan Younis.
Zyrtarët e spitalit “Europe-Gaza” deklaruan se trupat e 7 palestinezëve u sollën në spital në dy grupe pas sulmeve në Rafah dhe Khan Younis.
Në sulmet e Izraelit në Rripin e Gazës që nga 7 tetori 2023 e deri më tani numri i palestinezëve të vrarë ka arritur në 40.602 ndërsa i të plagosurve në 93.855.
