Tre persona kanë mbetur të lënduar, si pasojë e një aksidenti që ka ndodhur mbrëmjen e sotme në Zllakuqan të Klinës.
Në aksident kanë qenë të përfshira tri automjete, dy vetura dhe një traktor.
Kështu bëri të ditur zëdhënësi i policisë për rajonin e Pejës, Driton Rugova.
“Sot rreth orës 19:55, Policia është njoftuar për një aksident trafiku i cili ka ndodhur ne fshatin Zllakuqan- Klinë, në këtë aksident ishin të involvuara dy vetura dhe një mjet pune ( traktor) si pasojë e aksidentit tre persona kanë pësuar lëndime trupore, të njëjtit janë dërguar në spitalin rajonal në Pejë për tretman mjekësor”, tha Rugova.
