Presidenti turk Rexhep Tajip Erdogan ka bërë thirrje për reformë gjithëpërfshirëse kushtetuese, duke pohuar se ka ardhur koha që Turqia të shkojë përtej “kushtetutës së saj aktuale”.
Ai theksoi gjithashtu angazhimin e qeverisë për përgatitjen e një kushtetute të re që do ta drejtojë vendin në të ardhmen “pa bërë asnjë dallim”.
Presidenti Erdogan ka mbrojtur vazhdimisht hartimin e një kushtetute të re nën qeverisjen civile.
Për më tepër, Erdogan paralajmëroi kundër rritjes së urrejtjes dhe politikës përçarëse, duke u kërkuar politikanëve të pranojnë se strategji të tilla “nuk i sjellin dobi demokracisë apo kombit tonë” dhe bëri thirrje për një zhvendosje drejt një diskursi politik më konstruktiv.
Duke diskutuar mbi prioritetet gjyqësore të administratës së tij, Erdogan theksoi rëndësinë e një “sistemi drejtësie të parashikueshëm dhe të orientuar drejt zgjidhjes” që funksionon brenda “kornizave kohore të arsyeshme”.
Erdogan gjithashtu nënvizoi angazhimin e administratës së tij për të mbështetur sundimin e ligjit, duke deklaruar: “Ne nuk kemi dhe nuk do të lejojmë ata që përpiqen të zëvendësojnë parimin e shtetit ligjor me ligjin e të fuqishmëve”. /Telegrafi/
The post Presidenti Erdogan sinjalizon reformën kushtetuese për Turqinë first appeared on Radio Televizioni Iliria.
