Sot është dita e fundit për të vaksinuar fëmijët në të gjithë Rripin qendror të Gazës përpara se fushata e vaksinimit të poliomielitit të kalojë në jug, raporton korrespondenti i Aljazeeras.
Annalena Baerbock pritet të niset sot për një udhëtim në Lindjen e Mesme, tha Berlini zyrtar, ndërsa përpjekjet vazhdojnë drejt një marrëveshjeje për t’i dhënë fund luftës izraelite në Gaza.
Izraeli nuk do t’i tërheqë ushtarët e tij nga zona kufitare midis Gazës jugore dhe Egjiptit derisa të ketë një garanci se nuk mund të përdoret kurrë nga Hamasi, tha Netanyahu në një konferencë shtypi në Jerusalem.
Një sondazh i raportuar nga transmetuesi publik izraelit Kan zbulon se 53 për qind e njerëzve të anketuar mbështesin largimin nga Korridori i Filadelfit nëse kjo nënkupton arritjen e një marrëveshjeje me Hamasin për lirimin e robërve të mbetur izraelitë të mbajtur në Rripin e Gazës.
Palestinezët pranë qytetit të Jeninit në Bregun Perëndimor të pushtuar kanë mbajtur funeralin për një vajzë 16-vjeçare të vrarë nga forcat izraelite, raporton Reuters.
Urdhrat e përsëritur të evakuimit të ushtrisë izraelite kanë shtyrë 86 për qind të popullsisë së Gazës nga shtëpitë e tyre, thotë Jan Egeland, kreu i Këshillit Norvegjez të Refugjatëve.
Ministria palestineze e Shëndetësisë thotë se 33 persona janë vrarë dhe 140 janë plagosur që nga sulmi në shkallë të gjerë të Izraelit në Bregun Perëndimor të pushtuar një javë më parë. Ushtria izraelite vazhdon sulmet në disa qytete në Bregun Perëndimor.
Qeveria e Zvicrës ka nënshkruar një projektligj që ndalon Hamasin dhe e klasifikon atë si një “organizatë terroriste”.
