Njerëzit në Gaza hanë mesatarisht vetëm një vakt në ditë pasi ushtria izraelite po bllokon 83 për qind të ndihmës ushqimore të nevojshme për të arritur në enklavën e rrethuar, kanë thënë në një deklaratë të përbashkët një grup prej 15 organizatash ndihmash.
Sasia e ndihmave të bllokuara nga Izraeli është rritur ndjeshëm nga viti 2023, kur vetëm 34 për qind e ndihmës ushqimore po bllokohej, shtuan organizatat në deklaratë.
Amjad Al Shawa, drejtor i Rrjetit të OJQ-ve Palestineze (PNGO) tha në deklaratë se 100 për qind e popullsisë së Gazës tani është e varur nga ndihma dhe mungesat nënkuptojnë se njerëzit po vdesin nga uria.
“Ne jemi të mbingarkuar [me] këto nevoja dhe [këto] kërkesa urgjente”, tha Al Shawa.
Organizatat e ndihmës që lëshuan deklaratën përfshinin Save the Children, ActionAid, Christian Aid dhe Islamic Relief. /mesazhi
