Sekretari amerikan i Shtetit Antony Blinken po udhëton në Egjipt për të bashkë-kryesuar një dialog që synon forcimin e marrëdhënieve dypalëshe midis Kajros dhe Uashingtonit.
Diskutimet do të fokusohen në thellimin e zhvillimit ekonomik dhe shkëmbimeve kulturore dhe arsimore.
Për më tepër, Blinken do të takohet me zyrtarët egjiptianë për të diskutuar përpjekjet e vazhdueshme për të siguruar një armëpushim në Gaza.
Kjo përfshin sigurimin e lirimit të pengjeve, zbutjen e vuajtjeve të popullit palestinez dhe promovimin e sigurisë më të gjerë rajonale, sipas zëdhënësit Mathew Miller.
Egjipti, së bashku me SHBA-në dhe Katarin, ka ndërmjetësuar mes Izraelit dhe Hamasit prej muajsh për të arritur një armëpushim dhe një shkëmbim të të burgosurve. /mesazhi