Ministria libaneze e Shëndetësisë njoftoi se të paktën 50 nga 650 personat e vrarë që nga e hëna, kur avionët luftarakë izraelitë nisën bombardimet, janë fëmijë ndërsa 95 gra, transmeton Anadolu.
Numri i grave dhe fëmijëve është rritur edhe më shumë në mesin e vdekjeve që i kaluan 650 në sulmet ajrore në Liban, të cilat Izraeli po i vazhdon prej 4 ditësh pa pushim.
Ministria libaneze e Shëndetësisë njoftoi se në mesin e 650 personave që humbën jetën në sulmet ajrore, të paktën 50 ishin fëmijë dhe 95 gra. Libanezët që shpërndanë fotot e fëmijëve të tyre të vrarë në rrjetet sociale theksuan se “fëmijët e tyre u martirizuan si fëmijët në Gaza”.
Të paktën 5 fëmijë nga e njëjta familje humbën jetën në sulmin ajror të Izraelit në kryeqytetin Bejrut të premten, më 20 shtator. Ministri libanez i Mjedisit, Nasser Yassin publikoi si 150 mijë dje numrin e njerëzve që u detyruan të linin shtëpitë e tyre për shkak të sulmeve izraelite.
Ministri i Brendshëm libanez, Bessam al-Mevlevi tha se ata vendosën 70 mijë nga të zhvendosurit brenda vendit për shkak të sulmeve izraelite në qendrat e strehimit. Mijëra libanezë të cilëve iu desh të linin shtëpitë e tyre po luftojnë për të mbijetuar me fëmijët e tyre në shkollat që u janë caktuar.
Ndërkohë që vala e migrimit nga rajonet jugore të vendit drejt kryeqytetit Bejrut dhe rajoneve veriore vazhdon, bombardimet e avionëve luftarakë izraelitë që fluturojnë në qiejt e Libanit po shtohen.
