Të paktën 25 palestinezë, përfshirë në mesin e tyre gra dhe fëmijë u vranë në sulmet që ushtria izraelite kreu në rajone të ndryshme të Rripit të Gazës gjatë 24 orëve të fundit, transmeton Anadolu.
Zëdhënësi i Administratës së Mbrojtjes Civile në Gaza, Mahmoud Basal bëri një deklaratë me shkrim lidhur me sulmet e kryera ndaj pjesës jugore dhe qendrore të Gazës.
Sipas kësaj, 4 persona përfshirë gra dhe fëmijë humbën jetën në sulmet që ushtria izraelite kreu ndaj një shkolle në të cilën ishin strehuar palestinezët e zhvendosur me forcë në Beit Lahia në veri të Rripit të Gazës.
Ndërsa 5 persona të tjerë, përfshirë edhe fëmijë humbën jetën në sulmet që ushtria izraelite kreu sërish në rajonin Jabalia në veri ndaj shtëpive të familjeve Abu Naser dhe Semmur.
Në sulmin izraelit ndaj shtëpisë së familjes Harara në qytetin e Gazës bëhet e ditur se humbën jetën 3 persona dhe se shumë të tjerë përfshirë gra dhe fëmijë u plagosën. Në qytetin e Gazës një hapësirë tubimi iu nënshtrua sulmit ajror izraelit dhe në sulm humbën jetën 3 persona.
Në sulmin e kryer ndaj shtëpisë Fashlan në pjesën qendrore humbi jetën një person ndërsa në sulmin tjetër ndaj kampit të refugjatëve Nusseirat humbi jetën një persona.
Më tej thuhet se 5 persona kanë humbur jetën në sulmin ndaj familjes Ad-Daalis në kampin e refugjatëve Nusseirat ndërsa një persona ka humbur jetën në sulmin ndaj tendave ku qëndronin të zhvendosurit në Deir Al-Balah.
Dy persona tjerë humbën jetën në sulmin me zjarr artilerik në Khan Younis në jug të Rripit të Gazës.
