Drejtori i Organizatës Botërore të Shëndetësisë (OBSH), Tedros Adhanom Ghebreyesus, ka njoftuar planin për rindërtimin ose rinovimin e 20 qendrave shëndetësore në Rripin e Gazës, të shkatërruara gjatë sulmeve izraelite.
Sipas tij, projekti do të zhvillohet në bashkëpunim me UNICEF-in dhe agjencinë e OKB-së për refugjatët palestinezë UNRWA.
Qendrat e reja do të ofrojnë vaksinime rutinë, kontrolle ushqyese dhe monitorim të rritjes për rreth 44 mijë fëmijë në territorin e prekur nga konflikti. /mesazhi
