Ministri i Jashtëm grek, Giorgos Gerapetritis deklaroi se duhet të kalohet në veprim sa më parë për sigurimin e paqes afatgjate në Palestinë, raporton Anadolu.
Duke folur për mediat përpara takimit të ministrave të Jashtëm të Bashkimit Evropian (BE) në kryeqytetin e Belgjikës, Bruksel, Gerapetritis tha se Greqia mbështet propozimin e ri për armëpushim në Ukrainë.
Lidhur me Gazën, Gerapetritis tha se rezolutat e OKB-së paraqesin një mundësi. “Duhet të kalohet në veprim sa më parë në mënyrë që të mund të sigurojmë paqe afatgjate në rajon”, tha ai.
Më 18 nëntor, Këshilli i Sigurimit të OKB-së miratoi një rezolutë të SHBA-së që bën thirrje për krijimin e një Këshilli Paqeje dhe vendosjen e një Force Ndërkombëtare të Stabilizimit në Rripin e Gazës.
