Prokuroria Themelore në Prishtinë, ka njoftuar se ka filluar intervistimin e disa amtarëve në Qendrën e Numërimit dhe Rezultateve në Komunën e Drenasit nën dyshimin për ndërhyrje gjatë procesit të numërimit të votave.
Intervistimi vije pas autorizimit të Prokurorisë për nisjen e hetimeve javë më parë.
“Këto veprime po ndërmerren lidhur me dyshimet për keqpërdorime gjatë procesit të numërimit të votave të kandidateve të subjekteve politike. Prokuroria Themelore në Prishtinë, në koordinim me Policinë e Kosovës, do t’i ndërmarrë të gjitha veprimet e nevojshme ligjore dhe hetimore me qëllim të zbardhjes së plotë të të gjitha rrethanave që lidhen me rastin”, ka njoftuar Prokuroria.
