Kievi thotë se shumica e dronëve janë rrëzuar ndërsa sulmet vazhduan gjatë natës
Një sulm rus me dron goditi sot një autobus urban në rajonin e Dnipropetrovskut të Ukrainës, ku humbën jetën të paktën tre persona dhe 12 të tjerë u plagosën, thanë zyrtarët ukrainas.
Guvernatori rajonal Oleksandr Hanzha tha se sulmi goditi qendrën e Nikopolit, një qytet në bregun e djathtë të lumit Dnieper. “Ky nuk ishte një sulm i rastësishëm”, tha Hanzha në një deklaratë në Telegram.
Ministri i Brendshëm, Ihor Klymenko tha se sulmi ndodhi në mëngjes, me ekipet e shpëtimit që punonin në vendngjarje. “Së bashku me personelin mjekësor, ata arritën të lironin dhe shpëtonin shtatë persona”, tha ai.
Forcat Ajrore të Ukrainës thanë veçmas se mbrojtja e saj ajrore rrëzoi 77 nga 111 dronë të lëshuar nga Rusia gjatë natës.
Autoritetet ruse nuk kanë komentuar për sulmin ndaj autobusit. Ministria e Mbrojtjes tha se 45 dronë ukrainas u interceptuan gjatë natës, përfshirë 19 mbi rajonin veriperëndimor të Shën Petersburgut.
