Unioni Afrikan ka dënuar sulmet e fundit në Mali, duke paralajmëruar për rrezikun që ato paraqesin për civilët.
Kryetari i Komisionit të Unionit Afrikan, Mahmoud Ali Youssouf, deklaroi se “i dënon fuqishëm këto akte”, duke theksuar se ato mund të ekspozojnë popullsinë civile ndaj rrezikut të madh.
Ai gjithashtu rikonfirmoi angazhimin e organizatës për paqe dhe stabilitet, duke shprehur solidaritet me popullin e Malit dhe forcat e sigurisë.
Përleshjet mes ushtrisë së Malit dhe grupeve të armatosura të paidentifikuara, të cilat autoritetet i kanë cilësuar si “terroriste”, kanë goditur kryeqytetin Bamako dhe disa rajone të tjera të vendit.
Sipas ushtrisë maliane, situata është “nën kontroll” dhe sulmuesit kanë pësuar humbje të mëdha. Sulme janë raportuar gjithashtu në qytetet Gao dhe Kidal në veri, si dhe në Sevare në pjesën qendrore të vendit. /mesazhi
