Kriza e urisë në Gaza po përkeqësohet pasi organizata humanitare World Central Kitchen ka reduktuar shpërndarjen e vakteve të ngrohta.
Organizata po përballet me vështirësi financiare dhe mungesa të mëdha furnizimesh, të shkaktuara nga bllokada dhe kufizimet në hyrjen e ndihmave.
Si pasojë, mijëra familje palestineze që jetojnë në kampe dhe strehimore të përkohshme kanë mbetur pa një burim të qëndrueshëm ushqimi. Banorët dhe organizatat humanitare paralajmërojnë se mungesa e ushqimit po e rëndon edhe më tej situatën humanitare në territor.
Ndërkohë, agjencitë e ndihmës bëjnë thirrje për rritjen e furnizimeve humanitare për të shmangur përkeqësimin e mëtejshëm të krizës së urisë në Gaza. /mesazhi
