Prokuroria Themelore në Mitrovicë ka hapur rast dhe ka intervistuar pronarin e lokalit në Skenderaj, ku më 14 maj kishte ndodhur një incident, në të cilin ishin përfshirë kryetari i kësaj komune, Sami Lushtaku dhe kryetari i degës së LVV-së, Hysni Mehani.
Këtë e ka konfirmuar për teve1.info zëdhënësi i Prokurorisë Themelore në Mitrovicë, Valon Preteni.
“Mund ta konfirmojmë se ndaj pronarit të lokalit ku ka ndodhur rasti është iniciuar rast për vepër penale manipulim me prova. Është intervistuar dhe është liruar në procedurë të rregullt”, ka deklaruar Preteni.
Mehani kishte akuzuar Sami Lushtakun për sulm fizik, të cilën kryetari i Skenderajt e kishte mohuar.
Pas rastit, Lushtaku dhe dy persona të tjerë ishin intervistuar nga Prokuroria si të dyshuar.
Ndërsa, Mehani kishte pranuar trajtim mjekësor.
