Rreth 44.200 hektarë tokë janë djegur nga zjarret në rajonin Atika të Greqisë nga 31 korriku deri më 4 gusht, gjatë një vale të të nxehtit, sipas të dhënave të Observatorit Kombëtar të Athinës të publikuara të enjten, transmeton Anadolu.
Në vlerësimin e saj, ekipi FLAME i Piro-meteorologjisë pranë Observatorit Kombëtar të Athinës raportoi se zjarret dogjën 45.216 hektarë në rajon gjatë rreth 91 orëve, nga mëngjesi i 31 korrikut deri në mëngjesin e 4 gushtit.
Të dhënat treguan se më shumë se 24.888 hektarë, ose 55 për qind e sipërfaqes së prekur në total, u dogjën gjatë orëve të natës, ndërsa zjarret përfshinë Atikën.
Greqia po përballet me zjarre pyjore mes valëve të vazhdueshme të të nxehtit në gjithë Evropën, ndërsa që nga fillimi i vitit në kontinent janë djegur mbi 500.800 hektarë, sipas të dhënave të BE-së.
Të dhënat e Sistemit Evropian të Informacionit për Zjarret Pyjore treguan gjithashtu se deri më 6 gusht, që nga fillimi i vitit në Evropë janë evidentuar 1.528 zjarre.
