Kolonët izraelitë kanë sulmuar qytetin Idhna, pranë Hebronit në Bregun Perëndimor të pushtuar, duke rrethuar besimtarët brenda një xhamie, dëmtuar automjete dhe sulmuar banorë, raportoi Al Jazeera.
Sipas agjencisë palestineze Wafa, sulme nga kolonët janë raportuar edhe në fshatin Abu Falah, pranë Ramallahut, ku u qëllua në mënyrë të pakontrolluar. Edhe disa fshatra të tjera në zonën e Ramallahut janë sulmuar.
Dhuna e kolonëve izraelitë ndaj palestinezëve është rritur ndjeshëm vitet e fundit. Zyra e OKB-së për Koordinimin e Çështjeve Humanitare (OCHA) ka paralajmëruar se dhuna ka arritur nivele rekord, me rreth 190 sulme në muaj gjatë katër muajve të parë të këtij viti.
Në vitin 2024, Asambleja e Përgjithshme e OKB-së miratoi një rezolutë që i kërkonte Izraelit t’i japë fund pushtimit të territorit palestinez, duke përcaktuar një afat prej 12 muajsh. Megjithatë, që atëherë qeveria izraelite ka njoftuar për zgjerimin e vendbanimeve në tokat palestineze, në kundërshtim me të drejtën ndërkombëtare. /mesazhi
