Kabineti gjerman do të diskutojë sot mbi reformat në shërbimet e inteligjencës së vendit që do të prezantojnë kompetenca të reja dhe më të gjera, transmeton Anadolu.
Ministri i Brendshëm, Alexander Dobrindt do të paraqesë reformën në kabinet, e cila synon të transformojë Zyrën Federale për Mbrojtjen e Kushtetutës në një shërbim inteligjence të plotë me fuqi të gjera, raportoi të martën e përditshmja “Bild”.
Zyra për Mbrojtjen e Kushtetutës thuhet se ka qenë përgjegjëse kryesore për mbledhjen dhe vlerësimin e informacionit, me ndërhyrjet e rezervuara për policinë dhe autoritetet e sigurisë që nga themelimi i saj.
“Situata e kërcënimit hibrid, përpjekjet për të destabilizuar nëpërmjet sabotazhit, spiunazhit, sulmeve kibernetike dhe veprimeve të fshehta nga fuqitë e huaja po marrin një përgjigje të re. Ne po i kthejmë shërbimet tona të inteligjencës në shërbime të vërteta sekrete”, tha Dobrindt për “Bild”.
Projektligji do të lejojë zyrën të ndërpresë operacionet e vazhdueshme nga terroristët, diversantët ose agjentët e huaj, të ridrejtojë trafikun e të dhënave dhe të ndërhyjë në mënyrë specifike me sistemet teknike. Zyra mund të autorizohet të bëjë mjetet e sulmit të padëmshme ose të zëvendësojë bombat e destinuara për sulme me kopje jofunksionale.
