Riadi mbyll tubacionin kryesor të naftës që anashkalon Hormuzin
Ministria e energjisë e Arabisë Saudite ka lëshuar një deklaratë duke thënë se e vetmja rrugë eksporti e naftës që anashkalon Ngushticën e Hormuzit është mbyllur pas “sulmeve të shumta”.
Në një postim në rrjetin X, ministria tha se po kryente një “mbyllje parandaluese” të tubacionit të naftës lindje-perëndim.
Raketat goditën një sistem kyç të tubacionit të naftës në Arabinë Saudite dje. Imazhet satelitore nga e premtja treguan dëme të mëdha nga zjarri në njërën nga stacionet, ndërsa një imazh tjetër nga e enjtja tregoi një zjarr më të vogël dhe tym të zi të trashë.
Ende nuk dihet se kush ishte pas sulmeve, ose nëse vetë tubacioni ishte dëmtuar. Megjithatë, një zyrtar pretendon se sulmet u kryen nga dronë të nisur nga Iraku. Burimet shtuan se ende nuk është e qartë se sa kohë do të duhet për t’i riparuar ato. Sulmi tregon se burimet e naftës dhe kapaciteti i eksportit të Arabisë Saudite kërcënohen gjithnjë e më shumë nga lufta me Iranin.
Tubacioni Lindje-Perëndim është bërë thelbësor për Arabinë Saudite që nga fillimi i luftës midis Shteteve të Bashkuara dhe Iranit.
Pasi Irani mbylli Ngushticën e Hormuzit, Mbretëria ndryshoi drejtimin e transportit të rreth pesë milionë fuçive naftë në ditë që normalisht kalonin nëpër Gjirin Persik me anë të cisternave. /tesheshi
