Njëzet trupa të pajetë që besohet se ishin emigrantë janë gjetur në shkretëtirën e Libisë afër kufirit me Çadin, sipas autoriteteve libiane, transmeton Anadolu Agency (AA).
Në një deklaratë, Shërbimi i Ambulancës tha se trupat u gjetën brenda një kamioni 310 kilometra në jug të qytetit Kufra.
Në deklaratë thuhet se kamioni besohet të jetë prishur në shkretëtirë dhe njerëzit brenda janë lënë të vdesin.
Emigrantët, veçanërisht nga vendet subsahariane, përdorin Libinë si një pikë kalimi në rrugën e tyre për në Evropë, ku kalojnë shkretëtirën libiane në një rrugë të rrezikshme përpara se të marrin një rrugë tjetër vdekjeprurëse në Mesdhe në kërkim për një jetë më të mirë dhe më të sigurt.
