Presidenti rus Vladimir Putin nënshkroi të shtunën një dekret për rritjen e dënimeve me burg për personat që ikin nga thirrja e detyrueshme për detyrë ushtarake, transmeton Anadolu Agency (AA).
Sipas dekretit, dënimi për shmangien e detyrës ushtarake gjatë mobilizimit u dyfishua nga pesë në dhjetë vjet.
Gjithashtu, sipas dekretit, ushtarët që dorëzohen vullnetarisht në ushtrinë armike mund të përballen me dhjetë vjet burg dhe ata që plaçkitin gjatë kohës së luftës mund të dënohen me 15 vjet.
Putin gjithashtu nënshkroi një dekret tjetër që lejon të huajt që shërbejnë në ushtrinë ruse të aplikojnë për shtetësi pa leje qëndrimi.
Ky ligj do të zbatohet për të huajt që kanë lidhur një kontratë me forcat e armatosura ruse për një periudhë të paktën njëvjeçare.
Javën e kaluar, dhoma e ulët e parlamentit rus dhe Këshilli i Federatës miratuan dekretet.
Të mërkurën, Rusia njoftoi mobilizimin e 300.000 burrave të moshës 18-50 vjeç për luftën e saj kundër Ukrainës.
