Rusia po bën luftë jo vetëm kundër Ukrainës, por edhe kundër BE-së, deklaroi të enjten kryeministri i Polonisë, Mateusz Morawiecki në takimin e Procesit të Berlinit që synon të çojë më tej integrimin e Ballkanit Perëndimor në BE.
“Presidenti rus Vladimir Putin dhe Rusia kanë nisur një luftë kundër Ukrainës, por në të njëjtën kohë është një luftë kundër Evropës, kundër BE-së… ky agresion rus është mjaft i dukshëm, dhe kushdo që pretendon të kundërtën, po mbështet propagandën ruse.
Ai i bëri thirrje BE-së për diversifikimin e burimeve te saj të energjisë në mënyrë që të bëhet e pavarur nga burimet natyrore ruse.
Morawiecki shtoi se integrimi i vendeve të Ballkanit Perëndimor në BE duhet të rrisë nivelet e sigurisë në Evropë pasi tre prej tyre i përkisnin NATO-s.
Në të njëjtën kohë, procesi i integrimit premtoi përfitime për kompanitë polake dhe të gjithë ekonominë kombëtare. /atsh
