Një përfaqësues i Kombeve të Bashkuara i ka bërë thirrje komunitetit ndërkombëtar që të jetë bujar ndaj Turqisë, duke vënë në dukje ndihmën që vendi u dha sirianëve që ikin nga lufta dhe përpjekjet e tij për marrëveshjen e grurit të Detit të Zi.
“Turqia ka qenë mikpritëse e shumë refugjatëve nga pjesë të ndryshme të botës, dhe veçanërisht nga Siria. Pra, njerëzit duhet ta mbajnë mend këtë dhe të jenë bujarë sepse Turqia ka qenë bujare me të tjerët”, tha për agjencinë e lajmeve Anadolu, Koordinatori i Përhershëm i OKB-së në Turqi, Alvaro Rodriguez.
“Tani është koha që komuniteti ndërkombëtar, në njëfarë kuptimi, ta kthejë atë bujari tani që Turqia ka nevojë për këtë,” tha ai.
Apeli i Rodriguez vjen pasi Qendra Sizmologjike Evropiane-Mesdhetare raportoi të paktën dy pasgoditje të forta me magnitudë 5.5 dhe 5.2 në rajonin qendror të Turqisë.
Në ditën e 14-të të fatkeqësisë, numri i të vdekurve në Turqi është 40,642 që nga mëngjesi i së dielës. Numri në Siri ka arritur në 5,814, duke e çuar numrin e përgjithshëm të vdekjeve në të dy vendet në të paktën 46,456.
