Ka nisur protesta e paralajmëruar, pasi veteranët nuk u përfshinë në Ligjin e pagës minimale, që u votua dy ditë më parë nga Qeveria e Kosovës.
Në këtë protestë po marrin pjesë shoqëria civile së bashku me Organizatën e Veteranëve të Luftës, përcjell teve1.info
Përmes një njoftimi publik, nga protesta e ftuar është kërkuar edhe dorëzimi i mandatit nga shefja e deputetëve të LVV-së, Mimoza Kusari-Lila, të cilës iu zbuluan disa audio-incizime me ish deputetin e Parlamentit të Kosovës nga radhët e Listës Serbe, Sllavko Simiq, ku dëgjohet duke biseduar me Listën Serbe për UÇK-në dhe projektligjin për pensionet e veteranëve.
Protesta është duke u mbajtur në sheshin “Skënderbeu” në Prishtinë.
