Provokimet e bëra para disa ambasadave në Kopenhagë, gjatë të cilave u bënë parulla anti-islame, u zhvilluan nën mbrojtjen e policisë
Një grup danez anti-islamik dhe ultranacionalist përshkallëzoi sulmet ndaj Kuranit, përkundër dënimeve të shumta, transmeton Anadolu.
Anëtarët e grupit Danske Patrioter (Patriotët danezë) dogjën kopje të librit të shenjtë musliman përpara ambasadave të Türkiyes, Pakistanit, Algjerisë, Indonezisë dhe Iranit në Kopenhagë.
Provokimet, gjatë të cilave u bënë parulla anti-islame, u zhvilluan nën mbrojtjen e policisë.
Videot e shpërndara nga grupi në Facebook janë të kufizuara.
Muajt e fundit janë parë akte të përsëritura të djegies së Kuranit, përçmimit ose përpjekjeve për ta bërë këtë nga figura apo grupe islamofobike, veçanërisht në vendet e Evropës veriore dhe ato nordike, duke shkaktuar zemërim në vendet muslimane dhe mbarë bota.
