Sekretari i Përgjithshëm i NATO-s, Jens Stoltenberg ka rritur presionin ndaj Gjermanisë për të rritur shpenzimet e saj të mbrojtjes përballë luftës së vazhdueshme të Rusisë në Ukrainë.
“Gjatë Luftës së Ftohtë, kur sunduan Konrad Adenauer ose Willy Brandt, shpenzimet e mbrojtjes ishin midis 3% dhe 4% të prodhimit ekonomik”, tha Stoltenberg.
Stoltenberg kujtoi vendimin e samitit të NATO-s në korrik në Vilnius, sipas të cilit vendet duhet të angazhonin një minimum prej 2% të Prodhimit të Brendshëm Bruto (PBB) për shpenzimet ushtarake, megjithëse Berlini vazhdon të mos arrijë këtë objektiv.
Ai tha se priste që shumë aleatë ta tejkalonin këtë objektiv.
Si një ish-kryeministër i Norvegjisë, Stoltenberg tha se e dinte se sa e vështirë ishte të buxhetosh më shumë para për mbrojtjen kur shpenzimet më të larta për shëndetësinë, arsimin ose infrastrukturën janë gjithashtu të nevojshme.
“Por, nëse tensionet rriten, shpenzimet e mbrojtjes duhet të rriten”, tha ai.
“Gjermania është në rrugë të mbarë, për të arritur objektivin e NATO-s për të investuar 2% të prodhimit ekonomik në mbrojtje”, theksoi Stoltenberg. /atsh
