Prefektura e Istanbulit njoftoi se 25 persona kanë humbur jetën dhe 3 të tjerë u plagosën, nga zjarri që shpërtheu në një qendër argëtimi në rinovim, në një ndërtesë 16-katëshe në rajonin Beşiktaş, raporton Anadolu.
Zjarri shpërtheu për arsye ende të panjohura ndërsa pas njoftimit në vendngjarje u dërguan ekipet e zjarrfikësve, shëndetësisë dhe policisë. Ekipet e policisë morën masa përreth në zonë.
Ekipet e zjarrfikësve ndërhynë me 31 automjete dhe një personel prej 86 personash. Si rezultat i punimeve të ekipeve zjarri u shua.
Në një deklaratë nga prefektura e Istanbulit thuhet se zjarri ka shpërthyer gjatë rinovimeve në qendrën e argëtimit e cila ushtron aktivitetin në katin minus 1 dhe minus 2 në ndërtesën me 16 kate që ndodhet në lagjen Gayrettepe.
Pas njoftimit në vendngjarje u dërguan ekipe të shumta të zjarrfikëseve dhe ato shëndetësore.
Nga zjarri kanë humbur jetën 25 persona ndërsa janë lënduar 3 persona të cilët janë në gjendje të rëndë.
İstanbul Gayrettepe’de 30 işçi bodrum katında tadilat yapıyormuş, 29 kişi hayatını kaybetmiş. Rabbim rahmet eylesin geride kalanlara sabırlar versin.#yangın pic.twitter.com/Bw0FsCqsY6
— Şuayb Ege (@suayb__ege) April 2, 2024
