Qytetarët në Kosovë vazhdojnë të ankojnë për çmime të papërballueshme në krahasim me pagat që marrin. Sipas qytetarëve ngritje të çmimeve vërehen nga dita në ditë. Përderisa njohës të fushës së ekonomisë kërkojnë ndërhyrje urgjente të institucioneve në mënyrë që inflacioni i lartë të zbutet ata thonë se duhet të shihet se çka po ndikon në rritje të çmimeve.
Kosova është në krizë të thellë ekonomike dhe nevojitet ndërhyrje urgjente nga ana e institucioneve, vlerësoi kryetari i Odës Ekonomike të Kosovës Lulzim Rafuna. Ai në këtë kontekst vuri në dukje mungesën e investimeve kapitale, ecuritë në prodhimtari që lënë për të dëshiruar si dhe masat ndëshkuese të BE-së. Shqetësim, sipas tij, përbën edhe imazhi i vendit.
“Ankesat janë të shumta, ankesa më e madhe për momentin është gjetja e tregut më të madh, duhet të ndihmohen prodhuesit. Nëse shohim të dhënat nga doganat, por edhe nga ASK shohim se ka rënie të eksportit në këta tre muajt e fundit, dhe kjo është shqetësuese, për arsyeje se duhet parë sa i përket eliminimit të mundësisë që Kosova të paraqitet si një vend i tensionuar, si një vend i krizës, këtu duhet të kemi kujdes të gjithë, duhet të punojmë sa më shumë në përmirësimin apo tregimit të imazhit të Kosovës, që është një vend i qetë, demokratik, në vend që ndikon në stabilitet edhe të BE-së, ambient i të bërit biznes. Është edhe çështja e mos ndërmarrjes në politikat fiskale, është viti i gjashtë që nuk ka një freskim të politikave fiskale. Më pas reforma në sistemin arsimor, për ta lidhë arsimin me kërkesat e tregut, duhet shëndetësia e me radhë. Institucionet duhet të jenë më të shpejta, sepse nuk kemi kohë që të presim dhe të shohim prej një shikimi të lirë se çfarë po ndodh, duhen veprime konkrete dhe të shpejta”, tha Rafuna për rtv21.
The post Oda Ekonomike kërkon ndërhyrje urgjente të qeverisë për stabilizim ekonomik first appeared on Radio Televizioni Iliria.
