Zyra qeveritare për media në Rripin e Gazës ka bërë të ditur se mbyllja e vendkalimeve kufitare Rafah dhe Kerem Shalom nga Izraeli, tashmë në ditën e 13-të, po pengon hyrjen në enklavë të 3 mijë kamionëve me ndihma dhe trajtimin jashtë vendit të 690 pacientëve, transmeton Anadolu.
“Okupimi izraelit pengon hyrjen e ushqimit dhe furnizimit me ndihma dhe furnizime mjekësore në Rripin e Gazës”, tha zyra qeveritare për media.
Siç theksoi zyra qeveritare në Gaza, Izraeli gjithashtu parandalon hyrjen e karburantit në spitale dhe agjenci që ofrojnë shërbime humanitare, gjë që dyfishon krizën e thellë humanitare në Rripin e Gazës.
“Gjatë gjithë mbylljes së dy vendkalimeve, okupimi pengoi hyrjen e rreth 3 mijë kamionëve me ndihma dhe pengoi 690 pacientë të udhëtojnë për të marrë trajtim mjekësor jashtë Rripit të Gazës”, theksohet më tej.
Në njoftimin e zyrës për media kjo konsiderohet si një kërcënim kuptimplotë, veçanërisht duke marrë parasysh “kolapsin e sistemin të kujdesit shëndetësor, si dhe shënjestrimin, shkatërrimin, djegien dhe paaftësinë e plotë të spitaleve”.
“Kjo thekson kryerjen e krimit të gjenocidit nga okupimi kundër civilëve, duke përfshirë fëmijët dhe gratë”, theksoi zyra qeveritare.
Përgjegjës për luftën e vazhdueshme gjenocidale, zyra e mediat e mbajti “pushtimin izraelit, administratën amerikane, Bashkimin Evropian (BE) dhe komunitetin ndërkombëtar”.
Izraeli vazhdon ofensivën brutale në Gaza pavarësisht një rezolute të Këshillit të Sigurimit të OKB-së që kërkon një armëpushim të menjëhershëm. Pothuajse 35.400 palestinezë janë vrarë, kryesisht gra dhe fëmijë, si dhe mbi 79.300 të tjerë janë plagosur që nga tetori i vitit të kaluar pas një sulmi nga Hamasi.
Më shumë se shtatë muaj pas luftës izraelite, zona të gjera të Gazës janë kthyer në rrënoja mes një bllokade gjymtuese të ushqimit, ujit të pastër dhe ilaçeve.
Izraeli akuzohet për “gjenocid” në Gjykatën Ndërkombëtare të Drejtësisë, e cila ka urdhëruar Tel Avivin të sigurojë që forcat e tij të mos kryejnë akte gjenocidi, si dhe të marrë masa për të garantuar ofrimin e ndihmës humanitare për civilët në Gaza.
