Forcat izraelite kanë kryer sulme ajrore në Rafah të Gazës jugore gjatë natës, ndërsa tanket u futën në qendër të qytetit që deri vonë ishte caktuar një “zonë e sigurt”.
Ushtria izraelite ka mohuar kryerjen e sulmeve në një kamp tendash ku strehohen familjet e zhvendosura në al-Mawasi, afër Rafahut, të cilat kanë vrarë të paktën 21 persona.
Një projekt-rezolutë qe është vënë në tryezë në Këshillin e Sigurimit të OKB-së nga Algjeria thuhet se urdhëron Izraelin të ndalojë ofensivën e tij në Rafah dhe kërkon një armëpushim në Gaza dhe lirimin e të gjithë robërve të mbajtur nga Hamasi, raporton Reuters.
Arabia Saudite ka denoncuar sulmet e Izraelit ndaj njerëzve “të pambrojtur” në Rafah dhe bëri thirrje për veprim ndërkombëtar për të ndaluar “masakrat e vazhdueshme gjenocidale”.
Gjykata Ndërkombëtare e Drejtësisë thotë se Meksika ka paraqitur një kërkesë për të ndërhyrë në mbështetje të padisë së Afrikës së Jugut për gjenocidin Izraelit në Palestinë.
