Protestues në Tokio u mblodhën jashtë Ministrisë së Mbrojtjes të Japonisë, duke kërkuar ndalimin e importit të dronëve sulmues të prodhuar nga Izraeli, transmeton Anadolu.
Demonstrata, e organizuar nga Rrjeti Kundër Tregtisë së Armëve (NAJAT), i bëri thirrje ministrisë të ndalojë blerjen e dronëve nga kompanitë izraelite, të etiketuara si “tregtarë të vdekjes” nga aktivistët.
Në një postim në X, një përfaqësues i NAJAT-it i kërkoi ministrisë që të dëgjojë thirrjen e publikut. “Ministria e Mbrojtjes duhet të ketë turp”, theksoi ai.
Paralelisht, një peticion në internet i organizuar nga një grup i quajtur “Citizens Unity With Palestine” i bëri thirrje kompanisë “Kawasaki Heavy Industries” të anulojë menjëherë kontratën e saj me “Israel Aerospace Industries” dhe të ndalojë importimin dhe shitjen e dronëve sulmues. Peticioni ka marrë tashmë 21 mijë nënshkrime.
Më parë, protesta të ngjashme ndaj investimeve u zhvilluan në disa vende, përfshirë Australinë, Britaninë e Madhe dhe SHBA-në, me disa prej tyre që rezultuan të suksesshme, si vendimi i Universitetit të Melburnit të Australisë për zbulimin e plotë të të gjithë prodhuesve të armëve, mes thirrjeve për distancim nga Izraeli.
Tokyo, Japan
A stand in solidarity with Palestine and to demand an end to the Israeli genocidal war on Gaza, in front of the American Embassy in Tokyo. pic.twitter.com/7rkFLKJvb7
— PALESTINE ONLINE
(@OnlinePalEng) May 25, 2024
