Huthit e mbështetur nga Irani në Jemen pretendojnë se kanë goditur 3 anije me raketa balistike dhe mjete ajrore pa pilot (UAV) në Detin e Kuq dhe Detin Oman në 24 orët e fundit, transmeton Anadolu.
Zëdhënësi ushtarak i Huthive, Yahya Saree në fjalimin e tij të transmetuar në televizion tha se kryen 3 operacione ushtarake në Detin e Kuq dhe Detin Oman.
Ai tha se Huthit goditën me raketë balistike anijen “Verbena” në Detin Oman dhe anija mori flakë.
Duke theksuar se anijet “SeaGuardian” dhe “Athena” në Detin e Kuq u goditën drejtpërdrejt nga raketa balistike dhe dronët.
Saree tha se sulmet u kryen “në përgjigje të shtypjes kundër popullit palestinez dhe sulmeve të SHBA-së dhe Britanisë së Madhe ndaj Jemenit”.
Zëdhënësi ushtarak i Huthive theksoi se “këto sulme nuk do të ndalen nëse sulmet e Izraelit nuk ndalen dhe nuk hiqet bllokada e vendosur ndaj popullit palestinez në Rripin e Gazës”.
