Ka ndërruar jetë mëngjesin e sotëm në QSUT në Tiranë Pal Trashaj, i cili një ditë më parë konsumoi fostoksinë para dyerve të Prokurorisë së Posaçme, SPAK.
63-vjeçari nga Lezha pretendonte se kishte kallëzuar disa zyrtarë të lartë, ish-ministra dhe deputetë për problemet me pronat e tij dhe SPAK s’i kishte dhënë zgjidhje.
Përmes një deklarate për mediat SPAK sqaron një ditë më parë se shtetasi Pal Trashaj është paraqitur tek oficeri i informacionit dhe ka kërkuar takim me një nga hetuesit e BKH-së për një çështje e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022. /Telegrafi/
The post Konsumoi fostoksinë para dyerve të Prokurorisë së Posaçme, ndërron jetë 63-vjeçari nga Lezha first appeared on Radio Televizioni Iliria.
