RTV AHIRETI
LajmeRajon dhe Botë

Japonia dhe Gjermania bien dakord për të rritur bashkëpunimin e sigurisë

japonia-dhe-gjermania-bien-dakord-per-te-rritur-bashkepunimin-e-sigurise

Japonia dhe Gjermania kanë rënë dakord të rrisin bashkëpunimin e tyre të sigurisë në rajonin Indo-Paqësor, transmeton Anadolu.

Kryeministri japonez, Fumio Kishida, i cili mbërriti dje në Berlin për një vizitë zyrtare pas pjesëmarrjes në samitin e NATO-s në Washington, u takua me kancelarin gjerman, Olaf Scholz.

Siç raporton Kyodo News, në takim Kishida ka thënë se “është e rëndësishme që aleatët dhe vendet me të njëjtin mendim të marrin një përgjigje të bashkuar ndaj sfidave në sigurinë ekonomike”.

Gjatë një konference të përbashkët për media, Scholz theksoi nevojën për bashkëpunim për të reduktuar varësinë e furnizimit në vende dhe rajone të caktuara.

Të dy liderët ranë dakord që ministrat e tyre të mbrojtjes dhe të jashtëm do të zhvillojnë bisedime të sigurisë “dy plus dy” në Japoni në një datë në të ardhmen e afërt.

Sipas raporteve në media, marrëveshja e blerjes dhe ndër-shërbimit midis dy vendeve hyri në fuqi të premten, duke lehtësuar ndarjen më të lehtë të ushqimit, karburantit dhe municionit midis Forcave të Vetëmbrojtjes së Japonisë dhe ushtrisë gjermane.

Related posts

Apeli e ktheu në rigjykim çështjen penale të dhunimit ndaj 11-vjeçares, caktohet shqyrtimi gjyqësor

rezart morina

Përditësimi i gabuar i softuerit shkaktoi kaos, CrowdStrike paditet nga aksionerët pas ndërprerjes globale: Kompania mashtroi investitorët

admin

Dhoma e Tregtisë dhe Industrisë kërkon ndryshime urgjente në kalendarin e festave zyrtare – të mos pushohet në ditët e javës kur festat bien në vikend

RTI