Ushtria izraelite ka arrestuar 11 palestinezë, duke përfshirë një gazetar, në bastisjet e kryera në rajone të ndryshme të Bregut Perëndimor të pushtuar që nga orët e para të mëngjesit, raporton Anadolu.
Në lajmet e agjencisë zyrtare palestineze WAFA thuhet se ushtarët izraelitë bastisën shtëpitë e palestinezëve në qytetin Khalil të Bregut Perëndimor dhe se Izraeli bllokoi hyrjen kryesore në qytetin e Qalqilyas dhe pengoi hyrjen dhe daljen në rajon.
Sipas informacionit që Anadolu mori nga dëshmitarët okularë, ushtarët izraelitë bastisën shumë shtëpi në qytetin Tulkarim në veri të Bregut Perëndimor dhe arrestuan anëtarin e shtypit Hazim Nasser.
Ushtarët izraelitë bastisën gjithashtu shtëpitë palestineze në Ramallah, Jenin dhe Nablus.
Që nga 7 tetori i vitit 2023, kur Izraeli filloi sulmin e tij në Rripin e Gazës, ka pasur një rritje të ndalimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.
