Të paktën 24 persona e kanë humbur jetën në rrëshqitjet e dheut të shkaktuara nga shirat intensivë në rajonin Kerala në jug të Indisë, transmeton Anadolu.
Siç raporton “Hindustan Times”, autoritetet e rajonit Kerala kanë njoftuar se dyshojnë që dhjetëra persona kanë mbetur nën dhe në rrëshqitjet e shumta të dheut të shkaktuara pas reshjeve të dendura në zonën Wayanad.
Autoritetet thanë se sipas gjetjeve të para në rrëshqitjet e dheut kanë humbur jetën 24 persona dhe se vazhdojnë punimet e kërkim-shpëtimit dhe proceset e evakuimit.
Kryeministri i Indisë, Narendra Modi nga llogaria e tij X shkroi: “Lutjet e mia janë me të gjithë të plagosurit dhe ata që kanë humbur të dashurit e tyre”.
Duke vënë në dukje se ka kontaktuar me kreun e rajonit të Keralas, Pinarayi Vijayan, kryeministri Modi tha se do të japin mbështetje “me çdo lloj ndihme të mundshme” lidhur me katastrofën.
8 dead, over 100 feared trapped in massive landslide in Wayanad, Kerala. Disaster relief personnel on site, prayers for the families and survivors. pic.twitter.com/SCWDsYGPVp
— Shiv Aroor (@ShivAroor) July 30, 2024
