Kryeprifti i Kishës Katolike Greke në qytetin e Ramallahut në Bregun Perëndimor të pushtuar, Abdullah Yulio tha se kreu i Byrosë Politike të Hamasit, Ismail Haniyeh, i cili u vra në Iran “ndan të njëjtin fat si çdo njeri besnik ndaj popullit të tij”.
Kryeprifti i Kishës Katolike Greke, Yulio foli për Anadolu pas vrasjes së Haniyyeh. “Ne shprehim ngushëllimet tona për dëshmorin tonë Ismail Haniyeh. Uroj mëshirën e përjetshme të Zotit për të gjithë dëshmorët tanë”, tha ai.
Duke thënë se “gjaku i pastër i dëshmorëve e ndërtoi atdheun”, Yulio tha: “I lutemi Zotit të Madhërishëm që populli ynë të ketë durim, ngushëllim dhe më shumë qëndresë, në mënyrë që të vazhdojmë rrugën tonë derisa të shohim dëshirat tona të realizohen”.
Kryeprifti palestinez theksoi se çdo palestinez mund të jetë një kandidat për dëshmorin e ardhshëm. “Fundi i vëllait Haniyeh është fati i çdo personi besnik ndaj popullit të tij”, tha Yulio.
“Ne lutemi për paqe çdo ditë për Palestinën, tokën e paqes. Nuk ka paqe me okupim”, tha ai.
