Kryeministri i Kosovës, Albin Kurti në një konferencë për media ka folur për ndalimin e ish-ushtarit të UÇK-së, Blerim Ramadani nga Policia e Maqedonisë së Veriut, me fletarrest të Serbisë.
Kurti ka thënë se Ministria e Drejtësisë është në komunikim me Maqedoninë e Veriut, në mënyrë që të mos ketë nënshtrim ndaj agresivitetit të Serbisë kundër Kosovës.
“Ministria e Drejtësisë dhe autoritetet tona janë në komunikim me Qeverinë e Maqedonisë së Veriut, me sektorët përkatës në mënyrë që të marrim vesh më shumë për shtetasin e Kosovës i cili po mbahet në paraburgim atje, e që të mos ketë nënshtrim ndaj agresivitetit të Serbisë kundër Kosovës që reflektohet edhe në fletarreste të tilla për qytetarët tonë”, ka thënë Kurti.
The post Arrestimi i ish-ushtarit të UÇK-së në Maqedoni të Veriut, Ministria e Drejtësisë në komunikim me autoritetet maqedonase first appeared on Radio Televizioni Iliria.
