Ambasadorja e SHBA Linda Thomas-Greenfield i ka thënë KS të OKB-së se “civilët palestinezë po jetojnë në ferr” në Gaza, mes mungesës së madhe të ushqimit, ujit dhe ilaçeve.
“Izraeli duhet të ndërmarrë hapa shtesë të menjëhershëm për të eliminuar barrierat në shpërndarjen e ndihmës në shkallë”, tha Thomas-Greenfield gjatë fjalimit të saj në organin e OKB-së. “Ndërsa ne kemi parë progres, kërkesat e tjera që lidhen veçanërisht me pajisjet e komunikimit që janë jetike për dekonflikt mbeten të pazgjidhura.”
Ambasadorja amerikane shprehu gjithashtu shqetësim për planet e miratuara të Izraelit për mijëra banesa të reja në Bregun Perëndimor të pushtuar. “Veprimi i njëanshëm është në kundërshtim me të drejtën ndërkombëtare dhe është i dëmshëm për një zgjidhje me dy shtete”, tha Thomas-Greenfield.
