Dhjetra refugjatë Rohinga mbërritën në brigjet e provincës më veriore të Indonezisë, Aceh, të dielën, tha Task Forca Kombëtare për Refugjatët, mes lutjeve ndërkombëtare për kombin e Azisë Juglindore për të shpëtuar qindra të tjerë që kanë mbetur në anije për javë të tëra në Oqeanin Indian.
Grupi, i përbërë nga 57 persona, kishte lundruar nga Mianmari dhe ishte nisur për në Malajzi, tha rojet bregdetare indoneziane në një deklaratë.
“Motori i varkës kishte dështuar dhe ajo ishte bllokuar në det për rreth një muaj”, thuhej në deklaratë. “Nga pasagjerët e mbijetuar, ne morëm informacionin se ata kishin lundruar pa furnizim adekuat me ushqim.”
Dy varka që transportonin refugjatë, përfshirë gra dhe fëmijë, kishin hyrë në ujërat indoneziane pranë Aceh të premten në mbrëmje, sipas Amnesty International, e cila i kërkoi qeverisë t’i lejonte ata të zbrisnin në mënyrë të sigurt.
Të paktën pesë varka ishin larguar nga bregu i Cox’s Bazar, vendbanimi më i madh Rohinga në Bangladesh, në fund të nëntorit, duke u përpjekur të kalonin detin Andaman në një vend tjetër pritës.
Agjencia e OKB-së për Refugjatët citoi të shtunën raporte të pakonfirmuara për një varkë që ishte mbytur, ndërsa raportoi vdekjen e të paktën 20 personave në një anije tjetër, ndërsa u bëri thirrje vendeve në rajon që të “ndihmojnë në shpëtimin e jetëve”.
IOM konfirmon se ata po punojnë me grupin e punës për refugjatët dhe qeverinë lokale “për të ofruar mbështetje dhe një mbërritje të sigurt” për refugjatët Rohinga. /mesazhi
