Gazetari izraelit, Zvi Yehezkeli deklaroi se “ushtria izraelite pas 7 shtatorit duhej të kryente një sulm më vdekjeprurës (në Gaza), në të cilin do të vriteshin 100 mijë njerëz”, transmeton Anadolu.
Yehezkeli në programin në televizionin izraelit “Channel 13” tha: “Për mendimin tim, ushtria izraelite duhet të kishte nisur një sulm më vdekjeprurës (në Gaza), në të cilin do të vriteshin 100 mijë njerëz”.
Duke argumentuar se “vetëm pas sulmit izraelit që do të çojë në vdekjen e 100 mijë njerëzve, duhet të vijë në rend dite armëpushimi dhe shkëmbimi i të burgosurve”, Yehezkeli tha: “Unë po flas për një sulm ushtarak, duhej të ishte më vdekjeprurës sesa sulmi që pamë”.
Duke thënë se në Gaza ka rreth 20 mijë anëtarë të Hamasit, gazetari izraelit Yehezkeli pohoi se nuk mund të dallohet kush është i pafajshëm dhe kush jo në Gaza.
Drejtuesi i programit pyeti: “A doni vërtet të vriten 100 mijë njerëz?” Yehezkeli argumentoi se pas sulmeve të Hamasit më 7 tetor, duhej të niste një sulm i ngjashëm me “Operacionin Cast Lead” i nisur nga qeveria e Tel Avivit kundër Rripit të Gazës më 27 dhjetor 2008.
Në sulmet e nisura nga Izraeli në Gaza më 27 dhjetor 2008 që zgjatën për 23 ditë, humbën jetën 1.436 persona, mes të cilëve 410 fëmijë dhe 104 gra dhe më shumë se 5.400 njerëz u plagosën.
