Ushtria izraelite njoftoi për vrasjen e një prej ushtarëve të saj gjatë rrethimit dyditor të kampit të refugjatëve Jenin në Bregun Perëndimor të pushtuar, raporton Anadolu.
“Nënoficeri në shërbimin luftarak u vra nga plumba të vërtetë të martën në mbrëmje”, tha në Twitter ushtria izraelite.
Të hënën, ushtria izraelite nisi sulmin e saj më të madh në Jenin në më shumë se 20 vjet, duke vrarë të paktën 12 palestinezë dhe duke plagosur më shumë se 100 të tjerë, sipas Ministrisë palestineze të Shëndetësisë.
Ofensiva izraelite erdhi mes tensioneve në rritje në Bregun Perëndimor të pushtuar në muajt e fundit mes bastisjeve të përsëritura izraelite në qytetet palestineze.
Afër 190 palestinezë janë vrarë nga forcat izraelite që nga fillimi i këtij viti, sipas Ministrisë palestineze të Shëndetësisë. Gjithashtu të paktën 25 izraelitë janë vrarë në sulme të veçanta gjatë së njëjtës periudhë.
Vlerësimet tregojnë se rreth 700 mijë kolonë izraelitë jetojnë në 164 vendbanime dhe 116 blloqe në Bregun Perëndimor të pushtuar.
Sipas ligjit ndërkombëtar, të gjitha vendbanimet hebraike në territoret e pushtuara konsiderohen të paligjshme.
