Sekretari i Përgjithshëm i Kombeve të Bashkuara (OKB), Antonio Guterres, ka dënuar sulmin ku ekstremistët izraelitë në Kudsin Lindor nën pushtim i vunë zjarrin Qendrës së Përgjithshme të Agjencisë së OKB-së për Refugjatët Palestinezë në Lindjen e Afërt (UNRWA), transmeton Anadolu.
Shefi i OKB-së ndau një mesazh nga llogaria e tij në median sociale ku dënoi sulmin ndaj selisë së UNRWA-së në Kudsin Lindor.
Guterres tha se shënjestrimi i punonjësve të ndihmës humanitare dhe komplekseve të tyre është i papranueshëm, si dhe theksoi se kjo duhet të ndalet.
Komisioneri i Përgjithshëm i UNRWA-së, Philippe Lazzarini, njoftoi se ekstremistët izraelitë i vunë dy herë zjarrin zonës rreth Qendrës së Përgjithshme të UNRWA-së në Kudsin Lindor, përderisa personeli i UNRWA-së dhe i OKB-së ndodhej në kompleks.
