Helikopteri i rëndë luftarak shumëfunksional i Turqisë “ATAK-2” ndezi motorin e tij për herë të parë më 23 prill, raporton Anadolu.
ATAK-2 është zhvilluar nga Industritë Turke Ajrore dhe Hapësinore (TAI), me kontratën për projektin të nënshkruar në vitin 2019.
Kryeinxhinieri Mehmet Yılmaz tha se projekti përfshinte procese të paprecedentë të zhvillimit dhe projektimit.
“Rreth dy vjet më parë, u mor një vendim për fluturim të hershëm. Ne gjithashtu filluam dhe përshpejtuam punën tonë për vendimin e hershëm të fluturimit”, tha ai.
“Kemi prodhuar pjesë dhe kemi bërë furnizim me pajisje për rreth një vit dhe kemi kryer trupin dhe montimin përfundimtar të helikopterit tonë në tre deri në katër muajt e fundit”, shtoi Yılmaz.
Me suksesin e testit të parë të motorit, ekipi inxhinierik po përgatitet për të dytin, tha Yılmaz.
Ai tha se përpara se helikopteri të mund të fluturojë, ekipi do të duhet të kryejë një sërë testesh të vështira të strukturës së tij, transmetimit, rotorit, integrimit të motorit, avionikës dhe integrimit të sistemit elektrik.
Helikopteri, i cili ka një motor 2.500 kuaj-fuqi, mund të ngrihet me një ngarkesë maksimale prej 11,5 tonësh, shtoi ai.
ATAK-2 ka shpejtësi maksimale të synuar prej 175 nyjesh dhe mund të mbajë ngarkesë të dobishme 1,5 ton, ndërsa kryeinxhinieri thekson se këto specifika do t’i japin avantazh serioz.
Ai gjithashtu ka një armë 30 mm, me një kamerë për të siguruar optikë për pilotët, shtoi ai.
T929 Ağır Sınıf Taarruz Helikopteri (ATAK-2)‘bin ilk kez motor çalıştırdığı anlar! pic.twitter.com/XOSNtGMUm7
— Conflict (@ConflictTR) April 26, 2023
